İşğalciler, Qırımdaki vade etilgen yaz lageri yerine Qırım balalarını Penzağa alıp keteler. Ana-babasına bu aqqında haber etmeyler.
"Sarı şerit" areketi bunı bildirdi.
"Bu adise Qırımda oraq ayınıñ soñunda oldı. Yarımadanıñ cenübiy yalısındaki lagerlerde yaz tatilini keçirmege söz berilgen Qırım mektep talebeleri, yerler yetmegenini aytıp, soñki anda Rusiyeniñ Penza vilâyetine yollanıldı", — dep haberde qayd etildi.
Faalcilerniñ bildirgenlerine köre, ana-babalarğa balaları evden biñlernen kilometr uzaqlıqta olğanını añlattılar.
"Bunıñ sebebi, Rusiye Federatsiyasınıñ depressiv bölgelerinde içki turizmniñ eksilmesi ola bile. Soñki yılları işğalciler anda birinci kere degil edi, VİETdan mektep talebelerini alıp keteler. Bu yerde eñ belli ve eñ büyük bala lagerlerinden biri bar", — dep "Sarı şerit" yazdı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
