RF Mudafaa nazirligi ilk küz ayınıñ 5-nde gece işğal etilgen Qırım ve Qara deñiz üzerinde sekiz uçucısız uçaq aleti tüşürilgenini bildirdi. İçtimaiy ağlarda yarımadada yüz bergen patlavlar aqqında da haber etile.
Rusiye nazirliginiñ bildirgenine köre, umumen AMS quvetleri 92 dronnı urdı.
Aynı vaqıtta "Qırım yeli" nezaret kanalı yarımadada, hususan Feodosiyada (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde), patlavlar aqqında haber etti.
"Abunecilerimizniñ bildirgenine köre, Feodosiyada saat 22:43 ve 22:44te eki patlav eşitildi. Feodosiya (Kirovskiy) ve Canköy rayonlarında patlavlar saat 22:50de oldı. Saat 23:00te Rusiye arbiy silâsı Kefede ateş açtı. Saat 03:35 Rusiye AMS Qırımnıñ Feodosiya (Lenin) rayonında çalışa edi", — dep haberde qayd etildi.
Neticeler aqqında haber etilmey. Ukrayina tarafı vaziyetni izaatlamadı.
Hatırlatamız ki, arman ayınıñ 31-nde Ukrayina Mudafaa nazirliginiñ "Prımarı" mahsus bölügi vaqtınca işğal etilgen Qırımda Rusiye Federatsiyasınıñ arbiy astyapısına yañı ücüm etti. Rusiye havfsızlıq ve nezaret sistemasınıñ bir qaç müim elementi birden yoq etildi.
Ukrayina Mudafaa nazirliginiñ Baş istihbarat idaresi bu aqqında haber etti.
İBİ-niñ malümatına köre, bir sıra yüksek qıymetli obyektler zarar kördi:
- "Utös-T" radar kompleksi;
- RT-70 radioteleskopı;
- qubbedeki "Glonas" kompleksi;
- yalı boyu radar stantsiyası MR-10M1 "Mıs" M1;
- radar stantsiyası 96L6-AP S-400 avadan qorçalanuv sistemasından alındı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
