İşğal sebebinden Qırımda 15 bala elâk oldı, bir bebek anasından ayırıldı. Bir çoq bala ana-babasınıñ öldürüvi ve ğayıp oluvından zarar kördi.
Qırımtatar Resurs Merkezi (QRM) bunı bildirdi.
"Ukrayinanıñ qıtaiy qısmından yüz biñlernen ukrayin balası Qırım bala sağlıq merkezlerinde ve bala mahsus şifahanelerinde şifa ve tibbiy reabilitatsiya aqqından marum qaldılar. Biñlernen bala mecburen köçip kelgen oldı, böyleliknen, milliy toplulıqta öz Vatanında yaşamaq aqqından marum qaldılar", — dep haberde qayd etildi.
QRM hatırlata ki, on biñlernen bala tasil esnasınıñ arbiyleştirilüviniñ qurbanı oldı, bu ise Birleşken Milletler Teşkilâtınıñ Bala aqları aqqında şartnamesini ve işğalci devletniñ ordusında hızmet etüv teşviqatını vatandaşlar arasında yasaq etken IV Jeneva şartnamesiniñ 51-inci maddesini boza.
Hatırlatamız ki, Avropa insan aqları mahkemesi Qırımda bozuvlarnen bağlı 1100 dava baqa. Laf, şahsiy insanlarğa qarşı şahsiy davalar aqqında kete. "Qırım platforması" ihtisasiy ağınıñ IV. halqara forumı vaqtında Suspilne Qırımğa bergen izaatında Avropa mahkemesiniñ vekâletlisi Margarıta Sokorenko bunı bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
