RF Mudafaa nazirligi saba işğal etilgen Qırımğa uçucısız uçaq aletleriniñ ücüm etkenini bildirdi. Olarnıñ malümatına köre, "2025 senesi arman ayınıñ 26-nda saba saat 7-den saat 7:30-qa qadar Qırım üzerinde 8 UUA yoq etildi". Ukrayina Silâlı quvetleriniñ MOQniñ işğal etilgen Qırımda mahsus operatsiya keçirgenini tasdıqladılar.
Ukrayina Silâlı quvetleriniñ mahsus operatsiyaları Telegramda işğal etilgen Qırımda mahsus operatsiya keçirgenini tasdıqladı.
"Rusiye ordusınıñ arbiy qısımlarınıñ faaliyetini ve arbiy teminlevini temin etken logistika obyektleri bozulğan edi", — dep USQniñ MOQ haber etti.
RF Mudafaa nazirligi, 2025 senesi arman ayınıñ 26-nda saba saat 7-den 7:30-qa qadar "Qırım üzerinde 8 UUA yoq etilgeni"ni bildirdi.
"Krımenergo" işğalli organı qaza aqqında bildirdi. Şu cümleden, Qurman rayonında 13 meskün yer elektriksiz qaldı. Canköy rayonınıñ Vilne köyü ise elektriksiz qaldı. İşğalli akimiyet qaza sebebini aytmay.
"Qırım yeli" monitoring gruppası Telegramda Qurman ve Canköy rayonlarında yanğınlar aqqında bildirdi. Olarnıñ malümatına köre, büyük ihtimalnen Canköy ve Qurman rayonlarında yerleşken neft bazalarına ücüm etildi.
Ukrayina tarafı bu malümatnı izaatlamadı.
Hatırlatamız ki, arman ayınıñ 21-nde Ukrayina Silâlı quvetleriniñ mahsus operatsiyaları Canköy demiryol stantsiyası yanında mahsus tedbirlerni keçirdi. Mahsus hızmetçiler ruslarnıñ yaqarlıq ve yağnen maşnalarını urdılar. Arbiy hızmetçilerniñ malümatına köre, mahsus tedbirler neticesinde Rusiye ordusınıñ cenübiy taqımınıñ temin etilmesi qıyınlaştı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
