Arman ayınıñ 25-nde işğal etilgen Qırımda aydavcılarnıñ yetmemezligi sebebinden 51-nci "Simferopol — Aluşta" trolleybuslarınıñ areketi lâğu etildi.
RİA "Novosti Krım", "Krımtrolleybus" işğalli şirketine atfı etip, bunı bildirdi.
Şu cümleden, aşağıdaki trolleybus areketi lâğu etildi:
- Aluştadan — 9:20; 11:00; 11:45; 14:00; 15:00; 18:00; 19:45;
- Simferopoldan (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adten) — 9:20; 11:45; 13:15; 14:00; 15:40; 17:20; 21:45.
Hatırlatamız ki, evel Milliy muqavemet merkezi, işğalli Qırım akimiyet mesken-kommunal hocalığı hadimlerini, hususan qapıçı ve aydavcılarnı kütleviy şekilde celp etkenini bildirdi. Olarnı Rusiye ordusınen añlaşmalar imzalamağa zorlaylar.
"İşğalli Qırım memuriyeti kommunal hızmetleriniñ ciddiy qıtlığını tanıdı. Sebebi, "küçük aylıq ve çoq iş". Amma kerçek başqa: arbar hızmetçisi, aydavcı, kommunal hocalıq hadimleri kütleviy surette Rusiye ordusına celp etile. Añlaşmalarnı imzalamağa mecbur eteler. Redd etüv — qorqutuv, işten boşatuv ya da arbiy hızmetke mecburiy kütleviy çağırv", — dep haberde qayd etildi.
Aydavcılarnıñ qıtlığı aqqında işğalciler 2024 senesi de bildirdiler.
Hususan, işğalli Simferopol (Aqmescit) naqliyat ve alâqa idaresiniñ yolbaşçısı Georgiy Suhatskiy 2024 senesi ilk küz ayında, işğal etilgen Qırımda Simferopol (Aqmescit) naqliyat sisteması aydavcı qıtlığı sebebinden ciddiy meselelerge oğrağanını bildirdi. O vaqıt, 25 maşnanıñ cedvelini temin etmek içün, 75 aydavcı yetmey edi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
