İşğal etilgen Qırımda işğalli FSB binasına patlayıcı cihaz qoyulğan ikonanı ketirgen qadın tutuldı.
RİA "Novosti Krım" bunı bildirdi.
İşğalli tahqiqatnıñ versiyasına köre, onı "Ukrayina havfsızlıq hızmeti" aldap işke celp etti.
"Volgograd vilâyetinde yaşağan qadın, telefondaki dolandırıcılar tarafından hırsızlanğan paranı qaytarmağa istedi. Neticesinde o, terror faaliyetine aldanıp celp etildi. Mayıs ayında oña UHHniñ vekili telefon etip, özüni Rusiye FSBniñ taqiqatçısı olaraq tanıtqan ve terroristler cedveline kirsetilgen Ukrayina vatandaşı, bu qadın bergen işançnamege esaslanıp, onıñ adına ödünç alğanını ve bu paranı Ukrayina Silâlı quvetleriniñ ihtiyaclarına köçürgenini bildirdi, — dep haberde qayd etildi.
Agentlikniñ bildirgenine köre, qadın berilgen vesiqalar boyunca berilgen 3 million ruble miqdarında bir qaç ödünç aldı.
"Ukrayin kuratorınıñ talimatlarına riayet etip, Qırım Cumhuriyetine keldi. Qırımda o, kuryerden öz başına yapılğan patlav cihazı qoyulğan pravoslav ikonasını aldı. Qadın bu ikonanı FSBniñ İdaresiniñ binasınıñ keçit noqtasına ketirdi, anda onı Rusiye quvetçileri tuttılar", — dep haberde bildirildi.
Hatırlatamız ki, işğalciler Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) sakinini sert rejimli müstemlekede 14 yılğa ve bir yıllıq apis cezasına mahküm ettiler. Bundan da ğayrı, oña 200 biñ rublelik (tahminen 60 biñ ğrıvnâ) para cezası berildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
