Qırımda duşmannen işdeşlik yapqanlarnıñ evlerinde Ukrayina gizli areketiniñ vekilleri, olarnıñ faaliyeti belli olğanı aqqında tenbiyelegen levhalarnı yapıştırdılar.
Foto Milliy muqavemet merkeziniñ çatbotına yollanıldı.
"Duşmannen işdeşlik yapqanlarnıñ evlerinde açıq-aydın qarşılıq işaretleri yazılğan levhalar peyda oldı — işğalciler ve işdeşlikçiler er vaqıt közde tutula. Rusiye Federatsiyasınıñ Ukrayinada nevbetteki "sahte saylavları"nda iştirak etmege qarar alğanlar aqqında laf kete. Duşmannıñ vazifesi sade: olar aqqında er şey belli, ve iç bir hızmet ya da qoruv adaletten saqlap qalamaz", — dep haberde qayd etildi.
Hatırlatamız ki, işğal etilgen Qırımda "Açuvlı Mavka" muqavemet areketiniñ vekilleri arman ayınıñ 22-nde qayd etilgen Rusiye devlet bayrağı kününe aktsiya keçirdiler — Keriç, Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Simferopo (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerlerinde üç renkli bayraqlar yaqıldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
