İşğal etilgen Qırımda "Açuvlı Mavka" qarşılıq areketiniñ temsilcileri Rusiye devlet bayrağı kününe aktsiya keçirdiler — Keriç, Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerlerinde üç renkli bayraqnı yaqtılar.
Areket video ve fotoresimlerni Telegramda yayınladı.
Hatırlatamız ki, arman ayınıñ 22-nde Rusiyede Bayraq künü qayd etile.
"Ukrayina toprağında Qırım sakinleriniñ üç renkli bayraqqa nisbeten kerçek munasebeti böyle körüne. Raşistler "devlet timsali"ni coyğan vaqıt, Mavkalar onıñ kerçek qıymetini köstereler. Er yanğan üç renkli bayraq Qırımnıñ Ukrayina olğanını isbatlay", — dep haberde qayd etildi.
"Açuvlı Mavka" qarşılıq areketi 2023 senesi saban ayında işğal etilgen Melitopolda teşkil etildi. Onıñ hususiyeti ise, o, tek qadınlıqtan ibarettir. Vaqtınca işğal etilgen topraqlardan qızlar, ruslarğa "hoş kelmegenleri"ni köstermek içün birleşeler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
