Arman ayınıñ 22-nde saba Qırımğa ketken 8 tren keç qala. Rusiye demiryollarında naqliyat cedveliniñ bozuluvı, arman ayınıñ 21-nde Voronej vilâyetinde dronlarnıñ tüşürilmesinen bağlı.
RİA "Novosti Krım", Rusiye "Grand Service Express" taşıyıcısına esaslanıp, bunı bildirdi.
Rusiye demiryollarınıñ Telegramdaki haberine köre, arman ayınıñ 22-nde saba Rusiye boyunca Voronej vilâyetinde yüz bergen qaza sebebinden 50 tren keç qala.
Arman ayınıñ 22-nde saba işğal etilgen yarımada yönelişinde olğan keç qalma vaqtı:
Qırımğa:
- 28-nci Moskva — Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), 21.08 yollama, 2,5 saatke keç qala
- 018-nci Moskva - Simferopol (Aqmescit), 21.08 yollama, 2,5 saatke keç qala
- 168-nci Moskva - Simferopol (Aqmescit), 21.08 yollama, 1 saatke keç qala
Qırımdan:
- 008-nci Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) — Sankt-Peterburg, 20.08 yollama, 1,5 saatke keç qala
- 180-nci Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) — Sankt-Peterburg, 20.08 yollama, 1,5 saatke keç qala
- 174-nci Yevpatoriya (Kezlev) — Moskva, 20.08 yollama, 1 saatke keç qala
- 178-nci Simferopol (Aqmescit) — Sankt-Peterburg, 20.08 yollama, 1 saatke keç qala
- 92-nci, Sevastopol (Aqyar) — Moskva, 20.08 yollama, 2 saatke keç qala
Hatırlatamız ki, arman ayınıñ 21-nde Voronej vilâyetiniñ gubernatorı Aleksandr Gusev bildirdi ki, dron tüşkeni neticesinde energetika obyektine zarar ketirildi.
"Bir qaç köy elektriksiz qaldı, bir qaç yolcu treni keç qala. Operativ hızmetler neticesini yoq etmege azırlanalar", — dep o Telegramda yazdı.
Bundan ğayrı, arman ayınıñ 21-nde gece Ukrayina Silâlı quvetleriniñ mahsus operatsiyaları Canköyde demiryol astyapısına da ücüm etti.
"Ukrayina Silâlı quvetleriniñ mahsus operatsiyaları quvetleri Canköy demiryol stantsiyası yanında mahsus tedbirlerni keçirdiler. Ameliyat arman ayınıñ 21-ne keçer gecesi yapıldı. Mahsus hızmetçiler ruslarnıñ yaqarlıq ve yağnen maşnalarına urdılar. Mahsus tedbirler neticesinde Rusiye ordusınıñ cenübiy gruppirovkasınıñ teminatı qıyınlaştı", — dep MOQ bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
