Qırımda "Sarı şerit" areketiniñ faalcileri, Volodımır Zelenskıy ve Donald Trumpnıñ arman ayınıñ 18-nde Vaşıngtonda olıp keçken muzakerelerine aktsiyanı teşkil ettiler.
Areket Telegramda bunı bildirdi.
"Menim içün üç renkli bayraq iğrenç, ruhum ebediyen mavı-sarı" ve "Qırım — Rusiye degil, işğal öldürmekte" yazılarınen levhalar işğal etilgen Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerlerine qoyuldı.
"Olar, işğal etilgen Qırımda "Sarı şerit" areketiniñ faalcileri, öz mesaclarını bütün dünyağa ileteler. Yevpatoriya, Simferopol ve Sevastopol sakinleri öz şeerleriniñ üstünde mavı-sarı bayraqnıñ dalğalanacağına işanalar", — dep haberde qayd etildi.
Hatırlatamız ki, arman ayınıñ 18-nde AQŞ prezidenti Donald Trump Beyaz evde Volodımır Zelenskıynen körüşti. Ukrayina prezidentinen beraber Vaşingtonğa NATOnıñ baş kâtibi Rütte ve bir sıra Avropa liderdi keldi: Avropa eyyetiniñ prezidenti Ursula fon der Lâyen, Almaniya kantsleri Merts, İtaliya baş naziri Meloni, Finlândiya prezidenti Stubb, Frenkistan prezidenti Makron ve Büyük Britaniya baş naziri Starmer.
Zelenskıy brifingde bildirdi ki, Rusiye tarafı başta Ukrayina-Rusiye eki taraflı körüşüvni, soñra ise AQŞ iştirakinen üç taraflı körüşüvni keçirmege teklif etti.
"Topraq meselesi — Putin ve menim aramızda qalacaq meseledir", — dep Zelenskıy qoştı.
Körüşüvden evel Meclis reisi Refat Çubarov, Putinniñ israr etkeni Rusiye Federatsiyasınıñ topraqları aqqında malümatnı izaatladı. Onıñ aytqanına köre, Qırımnı Rusiyege bermek — "qırımtatar halqını öldürmek" demektir.
"Biz özümiz israrlı ve sabırlı olmaq kerekmiz. Qırımnı Rusiyege bermege teklif etkenler Putinge qırımtatar halqınıñ Katerina II zamanından başlap, soñra ise Stalinniñ teşebbüsinen başlanğan qırğınlıqnı bitirmek mümkün olğanını köstere, dep bütün dünyağa añlatmaq. Ve şimdi Putinge qırımtatar halqınen küreşmege teklif etmek — pek tsinik bir şey", — dep Çubarov añlattı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
