Rostov-na-Donudaki tahqiqat tevqifhanesinde Qırım işğalci başı Serğiy Aksönovğa "suiqast etüvinde" rusiye akimiyetinen qabaatlanğan 75 yaşındaki eñ büyük qırım siyasiy mabusı, cemaat erbabı Volodımır Ananyevniñ tutuvınıñ qattı şaraitleri onıñ sağlığı ve ayatına telükeli olalar.
Bu aqta Volodımır Ananyevniñ soy-sopları Qırım uquq qoruyıcı gruppasına (QUQG) bildirdiler.
Onı Rostov-na-Donu şeerindeki 5-nci sanlı tahqiqat tevqifhanesinde, anda pek çoq ukrain esirleri, şu cümleden "Azov" brigadasınıñ cenkçileri de tutulğanını ayttılar.
Aileniñ aytqanına köre, tutuv şaraitleri antisanitar ve esas gigiyena ve yanğın havfsızlığı qaidelerine uymay. Ananyevniñ yerleşken odaları pek tar, tibbiy yardım deyerlik yoq.
75 yaşındaki cemaat erbabınıñ sağlığı ciddiy: ayaqları ağıra, o tayanç ile areket ete, ameliyat yapılğan közleri sebebinden pek yahşı körip olamay, olardan birisi glaukoma hastalığına oğrağan, em de qan basımı yüksek. Oña daima tibbiy nezaret ve mahsus aşayt kerek, amma tahqiqat tevqifhanesinde bu ihtiyaclar közge alına. Yañlış şaraitler onıñ sağlığını tek boza.
Hatırlatayıq ki, kiyevli Volodımır Ananyev, keçken sene uvut aynıñ 2-de işğal etilgen Simferopolde (Aqmescit)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı FTH tarafından tutuldı. Olar Ananyevniñ bir tanışınıñ dairesine keldiler, o adam Qırımda şahsiy meselelerni çezmek içün vaqtınca anda qaldı. Soñra FTH Ananyev, Volodımır Bodnar ve Oksana Şevçenkodan ğayrı daa eki adamnıñ tutulğanı aqqında haber etti. İşğalciler üç tanış olmağan adamnı bir gruppağa birleştirdiler ve olarnı "UTH emiri ile maşna patlatmağa azırlanğanlarında" qabaatladılar.
Sergey Aksönovnı "öldürmege tırışuv" davası aqqında ne bilemiz
2025 senesi kiçik ayda Rusiye işğalcileri Sergey Aksönovğa qarşı suiqast azırlağanında qabaatlanğan Volodımır Ananyev, Volodımır Bodnar ve Oksana Şevçenkonı mahkemege berdi. İşğalli Qırım prokurorlığı dedi ki, ukrainler öz başına yapılğan patlayıcı alet yardımınen duşmannen işdeşlik yapqan Qırım sakininiñ maşinasını patlatmağa planlaştıra ediler.
Rusiye quvetçileriniñ malümatına köre, Bodnar Zaporijjâ vilâyetinden Qırımğa, Şevçenko kiralağan Simferopoldaki (Aqmescitteki) garaj qutusında saqlanğan patlayıcı aletni ketirdi. Qayd etilgenine köre, Aksönovnıñ marşrutını video nezareti kamerası vastasınen közetkenler.
2024 senesi kiçik ayda üçü de işğal etilgen Qırımda Rusiye FSBsiniñ hadimleri tarafından tutuldı. Olarğa qarşı "terroristik areketlerniñ azırlanuvı" ve "patlayıcı aletlerniñ qanunsız saqlanuvı" boyunca cinaiy davalar açıldı. Daa evel, saban ayınıñ 31-nde, Volodımır Bodnar da bu işte qabaatını tanıdı. Saban ayınıñ 3-nde mahkeme 75 yaşındaki Volodımır Ananyevniñ davasını baqtı.
Suspilne Qırım Volodımır Ananiyevniñ apayı, uquq qorçalayıcılar ve tanışlarınen subetleşip, Qırımnıñ eñ qart siyasiy mabüsiniñ "davası" aqqında tarif etti.
Telegram, WhatsApp, Facebook ve YouTube-ta Suspilne Qırım haberlerine abune oluñız
