İşğal etilgen Qırımnıñ şimalinde ruslar Yaña Qapudan (evelki Krasnoperekopsk) Ermeni Bazarğa qadar yol boyunca qoşma blok noqtalarını qurmağa planlaştıralar. Eñ azından bir ay devamında işğalciler vatandaşlarnıñ cep telefonlarını teşkerecekler.
Arman ayınıñ 15-nde "Sarı şerit" cemaat areketiniñ Telegram kanalında bu aqqında haber etildi.
"Bu yerde yaşağan ya da bu yerden keçken er kesni, yañı blok noqtasını körgen soñ, haber etmege rica etemiz", — dep faalciler qayd ettiler.
Yañı Qapudan Ermeni Bazarğa yol. Google Maps
Hatırlatamız ki, Qırımda "Rus cemiyeti"nen bağlı olğan bir informal qurulış çalışıp başladı. Olar yarımadanıñ şeerlerinde patrul içün "müfreze" teşkil eteler. Yerli faalcilerniñ bildirgenlerine köre, endi 40 adam bu gruppalarğa qoşuldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
