İşğalciler A-290 yoldan ğayrı, Taman taraftan Qırım köpürine bütün kirişlerni qapattılar. Saat 12:00-ge köre, köpürniñ kirişinde nevbette 1525 maşnası turmaqta edi: Taman taraftan 1185, Kerç (Keriç)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı tarafından ise 340.
Bu aqta köpürdeki vaziyetnen bağlı operativ malümatlarnıñ Telegram kanalı haber ete.
"Taman stantsiyasından köpürge çıqışlar yol yürüşini sıñırlavnıñ tehnikiy vastalarınen qapatılğan. Nezaretni Devlet avtoinspektsiyasınıñ hadimleri alıp bara. Taman taraftan qolnen baqılmaq içün nevbette 1185 avtomobil tura. Beklev vaqtı üç saatten ziyade. Kerç (Keriç)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı tarafından qolnen baqılmaq içün nevbette 340 avtomobil tura. Beklev vaqtı tahminen bir saat", — dep yazılğan haberde.
Arman aynıñ 4-10 afta devamında köpürde devamlı olaraq tıqıntılar olıp keçti.
Hususan, arman aynıñ 4-te kanal 4 biñden ziyade avtomobilniñ nevbeti aqqında haber etti, beklev vaqtı 8 saat edi.
"Krımskiy veter" telegram-kanalı yol tıqıntısı 30 kilometrden ziyade uzunlıqta olğanını bildirdi.
Telegram, WhatsApp, Facebook ve YouTube-ta Suspilne Qırım haberlerine abune oluñız
