Rusiye Mudafaa nazirligi, arman ayınıñ 8-ne keçer gecesi işğal etilgen Qırım üzerinde sekiz uçucısız uçaq aleti tüşürilgenini bildirdi.
Nazirlik Telegramda bunı bildirdi.
"Qıtım yeli" Telegram kanalınıñ haber etkenine köre, patlavlar "Titan" zavodı yanında, Ermeni Bazarda yüz berdi.
"Bundan soñ NASA FIRMS uyduları bu yerde yanğınnı qayd etti. Bu yerde 220 kV "Titan" elektrik stantsiyası yerleşe. O, urulıp-urulmağanı belli degil", — dep haberde qayd etildi.
Hatırlatamız ki, arman ayınıñ 7-nde Rusiye Mudafaa nazirligi Qırımdaki uçucısız uçaq aletleriniñ ücümleri aqqında haber etti.
Hususan, işğal etilgen Qırımda saba saat 6:20 — 10:35 arasında 18 uçucısız uçaq aleti tüşürilgeni aqqında haber etildi. Yerli sakinlerge atfı etip, "Qırım yeli"niñ bildirgenine köre, patlavlar Canköy ve Ğvardiyske (SarabuzRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Sudaq civarında eşitildi.
Ukrayina tarafı bu malümatnı tasdıqlamadı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
