Rusiye Mudafaa nazirligi işğal etilgen Qırım üzerinde saba saat 6:20-10:35 arasında 18 uçucısız uçaq aleti tüşürilgenini bildirdi.
Nazirlik Telegramda bu aqqında yazdı.
"22 — Brânsk vilâyeti, 18 — Qırım Cumhuriyeti, 2 — Smolensk vilâyeti, 1 — Kaluga vilâyeti üzerinde", — dep haberde bildirildi.
"Qırım yeli" Telegram kanalı yerli sakinlerge atfı etip, patlavlar Canköy ve Ğvardiyske (SarabuzRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerlerinde ve Sudaq civarında eşitildi, dep bildirdi.
Hatırlatamız ki, saba saat 8-den soñ Qırımda ava telükesi ilân etildi ve Keriç köprü qapatıldı. Saat 10:00-da areket yañıdan başlandı. O vaqıt, köpürdeki vaziyet aqqında haber kanalınıñ malümatına köre, 3450 maşna bar edi.
İşğalciler köpürni gece qapattılar, 7:45-te kene açtılar.
"Grand Service Express" Rusiye taşıyıcısı, saat 9:00-ğa qadar 11 trenniñ toqtatılğanını bildirdi.
Rusiye Federatsiyası ve işğal etilgen Qırımnı bağlağan trenlerniñ keçiktirilmesiniñ sebepleri aqqında şirket haber etmey. Rusiye Şimaliy-Kavkaz demiryolunıñ matbuat hızmeti, Kubanda dronnıñ tüşmesi neticesinde qaza olğanını bildirdi, onıñ neticesinde Simferopolğa (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adke) ketken eki tren keçiktirildi.
Bundan da ğayrı, Baş istihbarat idaresi işğal etilgen Qırımda arbiy obyektlerniñ zarar körgenini köstergen videolarnı derc etti. Bu malümatqa köre, "Prımarı" mahsus bölüginiñ arbiy UUA duşmannıñ qubbelerdeki RLSnı, desant katerini ve Ay Petrideki AMS bazasını urdı. UMNniñ Bİİniñ Telegram kanalında bu aqqında haber etildi. Tam olaraq ne vaqıt ücüm etilgenini aytmadılar.
"Vaqtınca işğal etilgen Qırımnıñ askeriyleştirilüvi devam ete — istilâcılarnıñ raketalarından saqlanıp, Ukrayina Mudafaa nazirliginiñ Bİİniñ mahsus bölüginiñ "Prımarı" arbiy dronları 02510 "BK-16" leyhasınıñ duşman desant katerine muvafaqiyetli ateş açtılar, em de rus radarlarnı yaqtılar: "Nebo-SVU", "Podlot K-1", 96L6E RLS", — dep haberde qayd etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
