İşğalli Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) mahkemesi 52 yaşındaki yerli sakinni "devlet hainligi" içün 14 yılğa mahküm etti. İşğalciler onı "UHHnen işbirlik yapqanı"nda qabaatladılar. FSB versiyasına köre, işğal etilgen yarımadada o, "Rusiye arbiy obyektleri aqqında malümat bere edi".
İşğalli Sevastopol (Aqyar) prokurorlığı Telegramda bunı bildirdi.
İşğalli quvetçiler, 52 yaşındaki Sevastopol (Aqyar) sakini Volodımır Makarovnıñ "UHHnen işbirlik yapqanı"nı qayd ettiler. Onıñ "Sevastopol mahkemesi" RF Ceza qanunnamesiniñ 275-inci maddesine binaen (devlet hainligi) "işğal etilgen Qırımda Rusiye arbiy obyektleriniñ fotoresimlerini ve malümatı"nı bergeninde qabaatlı tanıldı.
"2023 senesi ilk qış ayından 2024 senesi çiçek ayına qadar İnternet messenjerinde yazışqanı içün Makarov UHHniñ hadimi tarafından Rusiye Federatsiyasınıñ havfsızlığına qarşı gizli işbirlik içün celp etilgen edi. Ukrayina mahsus hızmetiniñ vekiliniñ buyruğınen o, oña azırlanğan gizli yerden kerekli programmanen cep telefonını aldı. 2024 senesi çiçek ayından bozarğan ayğa qadar bu alet yardımınen Makarov RF Silâlı quvetleriniñ silâ ve arbiy obyektleriniñ yerleşüvi aqqında malümatnı ve fotoresimlerni toplay edi", — dep "Sevastopol prokurorlığı"nıñ haberinde qayd etildi.
İşğalli mahkeme oña sert rejimli tüzetüv müstemlekesinde 14 yılğa ve 1 yılğa azatlıqtan marum etilmesine üküm etti.
Ukrayina havfsızlıq hızmeti bu aqqında izaat bermedi.
Hatırlatamız ki, işğalciler Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) sakinini "devlet hainligi"de qabaatlanıp, 18 yılğa mahküm ettiler. Rusiyege boysunğan tahqiqatnıñ versiyasına köre, o, Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) civarındaki neft mahsulatlarını qabul etüv noqtasına tankerlernen lokomotivniñ areketi aqqında malümat toplay edi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
