İşğalciler Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) sakinini "devlet hainligi"de qabaatlanıp, 18 yılğa üküm ettiler. Rusiyege boysunğan tahqiqatnıñ versiyasına köre, o, Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) civarındaki neft mahsulatlarını qabul etüv noqtasına tankerlernen lokomotivniñ areketi aqqında malümat toplay edi.
İşğalli Qırım prokurorlığı bunı bildirdi.
"Ögrenildi ki, 2023 senesi boş ayda, mahsus arbiy operatsiyanıñ keçirilmesine qarşı olıp, Feodosiya (Kefe — terciman) civarında bulunğan adam, neft mahsulatlarını qabul etüv noqtasına tankerlernen lokomotivniñ areketi aqqında malümat topladı", — dep haberde qayd etildi.
İşğalcilerniñ yazğanlarına köre, o, terminalnıñ koordinatları ve areketiniñ videosını Ukrayina Mudafaa nazirliginiñ istihbarat idaresiniñ çatbotına messencer vastasınen yolladı.
Daa evel Avropa insan aqları mahkemesi Rusiyeni söz serbestliginiñ sistematik basqısı ve Ukrayinağa qarşı cenkni tenqit etkeni içün insanlarnıñ taqip etilmesinde qabaatlı tanıdı. Avropa insan aqları mahkemesi ayrı qayd etti ki, işğalli Qırım mahkemelerniñ bütün "qararları" qanunsızdır.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
