İşğal etilgen Simferopolnıñ (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adniñ) kütleviy yerlerinde RF ordusında añlaşma boyunca hızmet etüv reklamasınen Rusiye arbiy hızmetçileriniñ numayışları peyda oldı. Levhalar merkeziy soqaqlarda, memuriyet binaları yanında, yataq rayonlarında ve plâjlarda tura.
"Sarı şerit" areketi Telegramda bunı bildirdi.
"İşğal etilgen Simferopolda (Aqmescitte — terciman) Rusiye arbiy hızmetçileriniñ "qoqlaları" tura, olar yolcularnı RF Silâlı quvetlerinen añlaşma imzalamağa çağıralar. "Sarı Şerit" areketiniñ faalcleri bildirdiler ki, er yerde — merkeziy soqaqlarda, yataq rayonlarında, memuriy binalarda, atta bazı plâjlarda — şekiller bar. Aynı şekillerni Melitopol, Mariupol, Donetskte de körgenler", — dep haberde qayd etildi.
Böyle bir teşviqat evelden Melitopol, Donetsk ve Mariupol şeerlerinde qayd etilgen edi.
Ukrayina prezidentiniñ Qırım Muhtar Cumhuriyetindeki temsilciliginiñ 2025 senesi arman ayınıñ 4-nde bergeni esabatına köre, Qırımda yerleşken bölüklerden eñ az 2031 Rusiye arbiy hızmetçisi elâk oldı. Eñ az 119 Rusiye arbiy hızmetçisi Qırımdan esir alınğanı tasdıqlandı, olarnıñ çoqusı, ğaliba, Ukrayina vatandaşı ola.
Advokat ve "İnsan aqları içün media teşebbüsi" cemaat teşkilâtınıñ mütehassısı Andriy Yakovlev Suspilnege añlattı ki, ruslar bilerek Dörtünci Jenevre şartnamesiniñ 51-inci maddesiniñ mecburiyetlerinden vazgeçtiler ve oña zıt olaraq, vaqtınca işğal etilgen topraqlarnıñ sakinlerini öz ordusına qoşulmağa mecbur eteler, şunıñ içün ukrayinlerniñ Rusiye ordusında hızmet etmesi — Rusiye Federatsiyası tarafından birinciden cenk cinayeti ola.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
