İşğalciler arman ayınıñ 1-3 künleri Sudaqta keçirilgen "Tavrida.Art" festivalini Qırımdaki gençlerni arbiyleştirmek içün qullanğanlar.
Sahte malümatqa qarşılıq merkezi bu aqqında haber etti.
"Medeniy tedbirler çerçivesinde cenk teşviqatı. Asılında, bu "festival" cenk mevzusını ileriletmek, işğalniñ qanuniyleştirilüvi ve gençlerniñ arbiyleştirilüvi içün qullanıla. Tedbirde "sanat, vatanperverlik şekli" aqqında ikâye faal sürette köterildi — arbiy leyhalarnıñ taqdim etilmesinden ve "SVO" iştirakçileriniñ sergilerinden başlap, Rusiye arbiy hızmetçileri içün aletlerniñ toplanuvına qadar", — dep haberde qayd etildi.
Festival vaqtında bir çoq teşviqat tedbirleri keçirilgenini, Qırım cemiyetine anonimlik şartları ile bergen izaatında ziyaretçilerden biri tasdıqladı.
"Bu sene, kerçekten de, artistlerniñ çıqışlarından evel, beş saat devamında çeşit tedbirler, meselâ, vatanperverlik mevzusında tedbirler keçirildi. Evelleri, bu festival yañı qurulğanda, gençlerge, muzıka ve sanatqa baqtırılğan edi, amma bu yıldan soñ onıñ tesiri deñişti", — dedi o.
Hatırlatamız ki, oraq ayında Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte) işğalciler 10 yaşından 17 yaşına qadar balalar içün arbiy toplaşuvlarmnı keçirdiler. Talimni Rusiye ordusı, aviatsiyası ve flotunıñ yardımına göñülli cemiyet teşkil etti. Balalarğa, şu cümleden, qolnen yapılğan tanklarğa qarşı granatometnen ateş açmağa ögretkenler; iştirakçiler de silâlı azırlıq, pıçaq atma ve taktik tibbiyetni ögrendiler, dep "Vesti Krım" resursı bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
