Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte) işğalciler 10 yaşından 17 yaşına qadar balalar içün arbiy toplanmalarnı keçirdiler. Talimni Rusiye ordusı, aviatsiyası ve flotunıñ yardımına gönüllü cemiyet teşkil etti.
"Vesti Krım" resursı bu aqqında haber etti.
Balalarğa, hususan, elnen yapılğan tankqa qarşı granatometnen ateş açmağa ögretkenler; iştirakçiler, em de soqaq azırlığı, pıçaq atuv ve taktik tibbiyetni ögrendiler.
"Tedbirlerniñ er bir yönelişi içün poligonda ayrı meydançıq teşkil etildi", — dep aytıla haberde.
"Oquvğa" Rusiye arbiyleri, hususan Kursk yönelişinde cenkleşkenler de davet etildi.
Hatırlatamız ki, 2025 senesi çiçek ayına işğal etilgen Qırımda 260 kadet sınıfı bar edi. Keçken oquv yılınıñ soñunda olarnıñ sayısı 197 edi, yani yıl devamında işğalciler 63 yañı oquv yurtunı açtılar. Bundan ğayrı, 16 kazak sınıfı çalışa. Umumen yarımadanıñ mekteplerinde arbiy işlerni 6 265 bala ögrene. "Almenda" vatandaşlıq maarif merkeziniñ azırlağan "Ukrayinanıñ vaqtınca işğal etilgen topraqlarında balalarnıñ kimligini yoq etüv boyunca Rusiye siyaseti" adlı maruzada bu aqqında aytıla.
Bundan da ğayrı, işğal etilgen topraqlarda "Yunarmiya"ğa celp etilgen balalarnıñ sayısı arttı. 2017 senesi Qırımda olarnıñ sayısı bir buçuq biñ olsa, 2024 senesi boş ayda — 15 biñden ziyade oldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
