Sumı vilâyetiniñ Sadkı köyü yanında Rusiye ordusınıñ eki brigadası biri-birine ateş açtı. "Dostane atışı" VDVniñ 137-nci polkı (VDVniñ 106-ncı diviziyası) ve 810-ncı ayrı deñiz piyade brigadası (Qara deñiz flotı) arasında oldı. Soñkisi Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) yerleşe.
2025 senesi oraq ayınıñ 24-nde Cenkni ögrenüv institutınıñ (ISW) bergen esabatında bu aqında haber etti.
ISWniñ esabatında Rusiye ordusı içün Sumı vilâyetiniñ şimalinde Sadkı köyü civarında olğan vaziyet tasvir etile: anda Rusiye arbiy hızmetçileri "dostane ateş" neticesinde elâk oldılar. Ateş, VDVniñ 137-nci polkı (VDVniñ 106-ncı diviziyası) ve 810-ncı ayrı deñiz piyade brigadası (Qara deñiz flotı) arasında oldı.
"Sumı vilâyetiniñ şimalinde Rusiye arbiy hızmetçileriniñ elâk olmasınıñ sebeplerinden biri — öz küçünen ateş açuv adiseleridir. Rusiyeniñ VDVniñ 137-nci polkı (VDVniñ 106-ncı diviziyası) ve 810-ncı ayrı deñiz piyade brigadasınıñ (Qara deñiz flotunıñ) bölükleri yaqında bir-birine ateş açtılar. Bu bölgede Rusiye orduları mesüliyet alanlarını uyğunlaştırmağa tırışalar ve Sadkını birinci tutmaq içün küreşeler", — dep haberde qayd etildi.
Bundan evel Suspilne bildirdi ki, cenk vaqtında Sevastopolda (Aqyarda) yerleşken Rusiye Federatsiyasınıñ Qara deñiz flotunıñ 810-ıncı deñiz piyade brigadasınıñ 10 arbiy hızmetçisi esir alındı. Esirler arasında Qırım sakinleri de bar.
Hatırlatamız ki, işğal etilgen Sevastopolda (Aqyarda) Rusiye Qara deñiz flotunıñ 810-ıncı deñiz piyade brigadasınıñ saqlav bazasında yaralanğanlar içün hastahane teşkil etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
