"Sarı şerit" areketi işğal etilgen Qırımda iş adamlarına basqı yapılğanını bildirdi. Yarımada boyunca Rusiye quvetçileri yerli müessiselerni — tükânlar, STOlar, salonlar, ustalıqlarnı — gizli şekilde tinteler.
Areket Telegramda bunı bildirdi.
"Qırımda yerli işhanelerge qarşı tintüvler dalğası yüz berdi. Resmiy sebebi — vesiqa ve ruhsetlerni teşkermek, kerçek maqsadı — para talap etmektir", — dep haberde qayd etildi.
"Sarı şerit" iştirakçileriniñ malümatına köre, iş adamları ya para bermege, ya da "işni toqtatmağa" mecbur olalar.
Hatırlatamız ki, 2025 senesiniñ ilk altı ayı devamında işğalli Qırım akimiyeti evelki yıllarda "milliyleştirilgen" — aslında Rusiye kontrolindeki memuriyet tarafından hırsızlanğan — 25 obyektni 2,2 mlrd rubleden (tahminen 660 mln ğrıvnâ) ziyade sattı. Bu paralarnıñ bir qısmı Rusiye arbiyleriniñ destegine sarf etilecek. Qırım parlamentiniñ reisi Volodımır Konstantınov öz Telegram kanalında bunı bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
