Rusiye Federatsiyasınıñ Devlet duması ögünde "aşırıcı materiallarnı qıdıruv" qanunına qarşı yapılğan bir kişilik piket devamında quvetçiler Qırımdan Rusiye polittehnologı Dmıtro Kisiyevni tuttılar. Onıñ qollarında "Tsenzurasız Rusiye içün. Orwell, metodik degil de, utopik yazğan edi".
Dmıtro Kisiyev öz Telegramında bunı bildirdi.
Rusiye Devlet Dumasında bazı malümatnı internette qıdırmağa yasaq etken qanunğa rey berilgen künü o, "Tsenzurasız Rusiye içün. Orwell, metodik degil de, utopik yazğan edi". Soñra onı Rusiye quvetçileri tuttılar. Şimdi onıñ Telegram kanalında bir polis bölüginde bulunğanı aqqında malümat bar.
Hatırlatamız ki, oraq ayınıñ 22-nde Rusiye Devlet duması VPN reklaması ve "aşırıcı" malümatnıñ tapılması içün cezalarnı belgileycek qanunnı qabul etti. Qanun qaideleri işğal etilgen topraqlarda, hususan, Qırımda 2025 senesi ilk küz ayınıñ 1-den itibaren çalışacaq. Bu "qanun"ğa binaen, "aşırıcı materiallarnıñ federal cedvelinde yazılğan edebiyat, saytlar, ses ve videolarnı, diniy ve milliy sebeplerden öldürüvlerni aqlağan yayınlarnı, faşist Almaniyası ve İtaliyasınıñ liderleriniñ eserlerini tapmaq" yasaq etilecek.
Dmıtro Kisiyev aqqında ne bilemiz
Dmıtro Kisiyev 1994 senesi ilk yaz ayınıñ 16-nda Canköy şeerinde doğdı.
Qırım işğal etilgen soñ o, Rusiye vatandaşlığını aldı ve, şu cümleden, Rusiyede qayd etmege red etilgen, soñra ise quvetçiler tarafından tutulğan ve onıñ tarafdarları qıdıruvğa oğratılğan Rusiye Federatsiyasınıñ prezidenti namzeti Boris Nadejdinniñ saylav ştabında çalışqan edi. 2025 senesi ilk yaz ayında Yuqarı mahkeme Nadejdin ve Kisiyevniñ çalışqanları "Vatandaşlıq teşebbüsi" firqasını yoq etti.
Oraq ayınıñ 8-nde Telegramda o, "Rusiye Federatsiyasınıñ milliy havfsızlığına telüke doğurğan areketleri" sebebinden Rusiye pasportından marum etilgenini bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
