Oraq ayınıñ 15-nde Nazirler Kabineti Ukrayinanıñ vaqtınca işğal etilgen topraqlarında, şu cümleden Qırımda, qazanılğan tasil neticeleriniñ tanılmasını belgileycek qararnı tasdıqladı. Yañı tertip ihtisasiy, ihtisasiy aliy tasil ve aliy tasilni qaplap ala.
Oraq ayınıñ 17-nde Ukrayina prezidentiniñ Qırım Muhtar Cumhuriyetindeki temsilciligi qarar metinine esaslanıp, bunı bildirdi.
Temsilcilik vesiqanıñ azırlanmasında müim bir rol oynadı — tedbirni uzaqtan keçirmek tekliflerini başlattı ve yaşağan yeri sebebinden ayırım yapılmamasını temin etti.
"Qararnıñ qabul etilmesi işğal etilgen topraqlardan Ukrayina vatandaşlarınıñ tasil reintegratsiyası ve tasil aqqınıñ yerine ketirilmesinde müim bir adımdır. Ukrayina Tasil ve ilim nazirligine ve parlament eyyetine bu qararnı azırlağanları içün teşekkürler bildiremiz", — dep temsilcilik qayd etti.
Temsilcilik qoştı ki, vesiqanıñ azırlanmasında faal iştirak ettiler, uzaqtan formatnıñ kirsetilmesini teşebbüs ettiler ve yaşağan yeri boyunca ayırımnıñ olmamasını temin ettiler.
Hızmetten Ukrayina vatandaşları ve Ukrayinada qanuniy sürette bulunğan vatandaşlığı olmağan şahıslar faydalana bileler.
Er bir tasil seviyesinde birinci keçüv — bedava ve tek bir tasil programması üzerinde ola bile.
VİETdaki tasilniñ tanılması içün ne bermek kerek
- Mütenasip ariza;
- Tasil beyannamesi;
- Bu nizamnamede belgilengen diger vesiqalar — vekâletli tasil müessisesine.
Nasıl qıymet kesile
Mahsus eyyet, şahısnı elektron identifikatsiya vastasınen tasdıqlap, bilgi teşkerüvini keçire — körüşüv vastasınen ya da uzaqtan. Qiymetlendirilgen soñ, böyle qararlar alına bile:
- Oquv müddetiniñ qısqartılması;
- Tasil ya da dereceniñ tayin etilmesi;
- Kirmek içün tevsiyename.
İhtisaslarğa köre sıñırlavlar
Bir qaç saasda, hususan uquq, telükesizlik, arbiy ilimler, jurnalistika, ilâhiyat ve tasil saalarında, neticeler qabul etilmey. Tam cedvel — qararnıñ ilâvelerinde.
Hatırlatamız ki, ilk yaz ayınıñ 1-nde Ukrayinada işğal etilgen topraqlardan kelgen abituriyentler içün aliy oquv yurtlarına kiriş kampaniyası başlandı. O, ilk küz ayınıñ 30-na qadar devam etecek, olar ukrayin aliy oquv yurtlarına sadeleştirilgen protsedura boyunca kire bileler — MFTMilliy çoq fenli test ve ukrayin vesiqaları olmadan.
Bu sistema nasıl çalışa, Qırım ve diger vaqtınca işğal etilgen topraqlardan mektep talebeleri nasıl qıyınlıqlarnen qarşılaşa, Suspilne Qırım jurnalistleri ögrendiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
