İşğal etilgen Qırımnıñ Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerinde 2024 senesi mayıs ayında Berdânsktan qaçırılğa Çornobıl zonasınıñ 54 yaşındaki sabıq hadimi Leonid Malık mahkeme etile. O, "devlet hainligi" ve "radioaktiv maddelerniñ aylanuvı"nen qabaatlanıp, Donetsk vilâyetiniñ işğal etilgen Mariupol şeerindeki tahqiqat izolâtorında (SİZO) tutula.
Onıñ qızı "Novını DonbasuDonbas haberleri" neşirine bu aqqında ayttı.
O, dava uydurılğanını saya. Siyasiy mabüsniñ Kıyivde oquğan qızı aytqanı kibi, qabaatlavlar tek onıñ cenkten evel Çornobılda çalışqanına ve Ukrayina tarafdarı olğanına esaslana.
Qıznıñ aytqanına köre, babası işğal etilgen topraqta hasta anasını baqmaq içün qaldı. Tolu miqyaslı istilâdan soñ işten boşadı, taksist olıp çalıştı ve Rusiye pasportını almağa mecbur oldı — bu pasport olmadan bölgede bulunmaq imkânsız edi.
2024 senesi mayıs ayında Malıknıñ tuvğanları onıñ ğayıp olğanı aqqında bildirdiler. İlk qış ayında onı yaqalağanları belli oldı. O, bir kere tuvğanlarına telefon etip oldı.
Onıñ qızı qayd etti ki, devlet tarafından tayinlengen advokat apis müddetiniñ uzatılmasına qarşı çıqmadı. Qoranta mustaqil imayecini tutıp olamay.
"Babam işğal etilgen topraqlarda devam etken "import yerine qoyulması" kampaniyasınıñ daa bir qurbanı olğanını tüşünem. İşğalciler bu topraqlarnı özleri ve yanlarına ketirgen insanlar içün yer olsun dep, yerli sakinlerden temizleyler. Babamnen bunıñ aqqında laf etken edik. O, bunı çoqtan berli körgenini ayttı", — dep qız qayd etti.
O, deñiştirüv arizasını yazğanını, amma Rusiyeniñ onıñ yañı vatandaşlığı sebebinden qabul etmeyceginden qorqqanını bildirdi.
Leonid Malıknıñ işğalli mahkemesi oraq ayınıñ 14-nde keçecek edi, amma mahkeme aqqında iç bir şey belli degil.
Hatırlatamız ki, RF SİZO ve müstemlekelerinde Qırımdan eñ az 25 siyasiy mabüsni tuta, dep Qırımtatar maaliy merkezi haber etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
