İşğal etilgen Qırımda Rusiye, eñ az 25 qart siyasiy mabüsni tahqiqat izolâtorlarında (SİZO) ve müstemlekelerde tuta. Olarnıñ çoqusı çoq zamanğa — 5-18 senege — qanunsız şekilde mahküm etildi. Olar arasında işğalciler tarafından "casuslıq"ta qabaatlanıp 13 senege mahküm etilgen, Herson vilâyetiniñ Nova Kahovka şeerinden 63 yaşındaki ukrayin jurnalisti Serğiy Tsığipa da bar.
Bozarğan aynıñ 16-nda Qırımtatar maaliy merkezi (QMM) bu aqqında haber berdi.
Şu cümleden, QMM kim aqqında söz ketkenini hatırlattı:
- Abbozov Seytiyağa — 66 yaşında;
- Abdurahmanov Bilâl — 66 yaşında;
- Aliyev Renat — 61 yaşında;
- Ananyev Volodımır — 75 yaşında;
- Bekirov İnver — 62 yaşında;
- Gaziyev Server — 65 yaşında;
- Goldenberg Valeriya — 63 yaşında;
- Gugurık Bekir — 62 yaşında;
- Dovğopola Ğalına — 70 yaşında;
- Eyüpov Azamat — 63 yaşında;
- Kıselov Oleksiy — 61 yaşında;
- Lıtvınük Oleksandr — 64 yaşında;
- Maladıka Volodımır — 62 yaşında;
- Mambetov Halil — 71 yaşında;
- Maşaripov Yunus — 61 yaşında;
- Mejmedinov Nariman — 60 yaşında;
- Mevlutov Rustem — 60 yaşında;
- Muratov Zekirya — 67 yaşında;
- Nagayev Ruslan — 61 yaşında;
- Ömerov Enver — 63 yaşında;
- Parhomenko Leonid — 66 yaşında;
- Prıhodko Oleğ — 66 yaşında;
- Seydaliyev Nasrulla — 64 yaşında;
- Tımoşenko Nina — 66 yaşında;
- Tsığipa Serğiy — 63 yaşında.
Uquq qorçalayıcılar, yaşları sebebinden bu cezalar ölüm cezası ola bilir, dep qayd ettiler.
"Bu insanlarnıñ, aman-aman episiniñ yaramay tutuv şaraiti, şikâyetlerniñ red etilüvi ve kerekli tibbiy yardımnıñ olmaması quvetleştirgen hronik ya da ağır hastalıqları bar. Böyle şarait insanperverlik printsiplerine zıt kele, sağlığı zayıf olğan qartlar içün ise — işkenceniñ ayrı bir şeklidir", — dep QMM qayd etti.
Uquq qorçalayıcılar Ukrayina ve dünyanı Qırımnıñ esli başlı siyasetçilerine diqqat etmege çağırdılar. Aynı zamanda QMM Rusiyeni bu adamlarnı acele azat etmege çağırdı.
Hatırlatamız ki, "Serbest Qırımğa mektüpler" teşebbüsi Rusiye apishanelerinde qanunsız tutulğan Kreml mabüslerine daa 221 mektüp topladı. Olar, Ukrayina prezidentiniñ halqara teşkilâtlardaki temsilciligi tarafından teşkil etilgen tedbirlerde iştirak etkende, Vyanada yazıldı.
Bundan evel QMMniñ yazğanına köre, Qırımda yarımadanıñ işğali vaqtında 61 insan elâk olğanı tasdıqlandı. Olarnıñ çoqusı siyasiy repressiyalar, ayırım, terror ve polis hadimleriniñ areketsizliginiñ qurbanları ola. Elâk olğanlarnıñ aman-aman yarısı — qırımtatarlardır.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
