Qırımda işğalli FSB, Yalta sakinini Ukrayina mahsus hızmetleri içün terror aktını azırlağanında qabaatlap, yaqaladı.
RİA "Novosti Krım" bu aqqında haber etti.
"Buña ait olğan Yalta sakini tevqif etildi. Ondan eki bomba tutıp alındı, dep Rusiye FSBsiniñ Cemaat bağları merkezi bildirdi. Qayd etildi ki, Ukrayina tarafından berilgen emirge binaen, adam Rusiye Künü bayramı vaqtında ücüm etmek içün patlayıcı cihaznen dronnı azırlamaq kerek edi", — dep aytıla haberde.
İşğalcilerniñ yazğanlarına köre, adam ücümni ilk yaz ayınıñ 12-de, Rusiye kününe planlaştırğan edi. Ukrayina tarafı bu yaqalanuvnı izaatlamadı.
Hatırlatamız ki, Qırımtatar Maaliy Merkeziniñ malümatına köre, 2025 senesiniñ birinci yarısında Qırımda 99 insan tutuldı. Olarnıñ 48-i — qırımtatar. 2024 senesi aynı müddet içinde 92 insan, 2023 senesi — 140 insan tutuldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
