Qırımda işğalciler Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) sakinini devlet hainliginde qabaatlap, 17 yılğa üküm ettiler. Bundan ğayrı, oña 200 biñ rublelik (tahminen 60 biñ ğrıvnâ) para cezasını berdiler.
İşğalli FSBge atfı etip, RİA "Novosti Krım" bunı bildirdi.
"O, ukrayin tarafına Sevastopolda ava nezareti noqtaları, ava mudafaası vastaları ve Qara deñiz flotunıñ bölükleri aqqında malümat bergeninde qabaatlandı", — dep aytıla haberde.
Hatırlatamız ki, "Qırım esnası" uquq qorçalayıcı teşebbüsiniñ malümatına köre, 2025 senesiniñ ortasında işğal etilgen Qırımdaki mahkemeler "devlet hainligi" içün 49 böyle üküm çıqardı, olardan 30-ı — 2024 senesi.
Uquq qorçalayıcılar 2024 senesi bu kibi davalarnıñ sayısı keskin artqanını qayd eteler, yarımadanıñ mahkeme sisteması ise, bu kibi ameliyatnıñ sistematik şekilde kenişletilgenini köstere.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
