Yaltada işğal etilgen Qırım Rusiyeniñ Ukrainağa büyük miqyaslı ücümi başlanğanından berli, şu cümleden yarımada territoriyasındaki arbiy obyektlerge ücümler vaqtında iç bir vaqıt avia haberdarlıq ilân etmedi. Sirenalar zenit sistemaları ya da Rusiye ordusınıñ uçaqları yerleşken bölüklerniñ yanında da çalışmaylar.
Bu aqta oraq aynıñ 5 "Sarı şerit" cemaat tirenüv areketiniñ faalcileri bildirdiler.
Areket, işğalciler içün "itibar, havfsızlıqtan daa müim olğanını" qayd ete edi.
"Sebebi açıq — turistler ve teşviqat içün "tınçlıq resimini" bozmağa istemegenlik. Tapşırıqlar açıqtan-açıq eskirgen, amma Moskvada daa yañı işbirlikler kelmedi. Bu kene de işğalciler içün insan ömüri birinci sırada olmağanını isbatlay", – qayd ettiler "Sarı şerit"-iniñ koordinatorları.
Bundan evel oraq aynıñ 1 Rusiyeniñ Mudafaa nazirligi, oraq aynıñ 1 gecesi ava imaye küçleri tarafından işğal etilgen Qırımda 17 dron yoq etilgenini ilân etti. Yerli sakinler Kerç (Keriç) ve Feodosiyada (Kefede) patlavlar eşitkenleri aqqında haber ettiler. Qırım köpüri de o vaqıtta qapatılğan edi.
Hatırlatamız, İBİ, öz cenkçileri işğal etilgen Qırımda Rusiyeniñ avadan qorçalanuv sistemalarını Ukrainada yapılğan, daa "Bobr" kibi belli olğan UJ-26 dronlarınıñ yardımı ile nasıl yoq etkenlerini kösterdi.
Bundan da ğayrı, kiraz aynıñ 26-da Ukraina istihbaratı, Qırımda Rusiye ava mudafaasınıñ S-400 "Triumf" radarlarını yoq etilmesine dair videonı tarqattı.
Telegram, WhatsApp, Facebook ve YouTube-ta Suspilne Qırım haberlerine abune oluñız
