"Qırım. Aqiqat"nıñ "Gruz 200" leyhası keçenlerde yazılğan Ukrayinağa qarşı cenkte elâk olğan 106 iştirakçiniñ nekrologları arasında işğal etilgen Qırımdan evel apiste bulunğan eñ az 20 insannı taptı. Çoqusı apishanede añlaşma imzaladı, bazıları ise mahkeme ükmünden qaçmaq içün bile-bile cenk areketlerine qoşuldı.
Oraq ayınıñ 2-nde "Qırım. Aqiqat" neşiri bu aqqında haber etti.
Neşirniñ malümatına köre, 2024 senesi Eski Qırımdan Anton Fokin narkotiknen bağlı davalarda qabaatlanğan edi. Onıñ davası iç bir vaqıt baqılmadı — adam Ukrayinağa qarşı cenkke ketti. Aynı vaqıtta Sevastopollı (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adlı) Vitaliy Bedoyev de tahqiqat altında buluna edi, amma mahkeme oturışından qaçınmaq içün askerlik yapmağa qarar aldı. Onıñ davasında: "Qabaatlanğannıñ bulunğan yeri belli degil", dep yazılğan. Qırımdaki resmiy menbalar böyle şahıslarnı "Vatanını qorçalamağa qarar bergen" göñülliler olaraq tasvirley. Bazı nekrologlar keçmişke diqqatnen yanaşalar. Meselâ, Serğiy Savçuknıñ, 2023 senesi narkotik satqanı içün 8 yılğa mahküm etilgeniniñ veda metininde: "Vatan qoruv vazifesini yerine ketirüvde er kesniñ öz yolu bar", — dep qayd etile. Bundan da ğayrı, Bagerovodan Yevhen Kurtenkov göñülli ve mukâfatlı asker olaraq tanıla, amma jurnalistler onıñ 2014 senesine qadar defalarca mahküm etilgenini, psihotroplarnen meseleleri olğanını, polis nezareti altında bulunğanını ve hızmet vaqtında Rusiye arbiy mahkemesinde cinaiy dava boyunca mahküm etilgenini ögrene — tafsilâtları gizli tutula.
Evel "Gruz 200" leyhası, ilk yaz ayınıñ 29-na qadar, Rusiye tarafından Ukrayinağa qarşı cenkte elâk olğan 1408 Qırım sakininiñ cesedi qayd etilgenini bildirdi. Çiçek ayınıñ başından berli 126 adamğa çoqça.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
