2025 senesi kiraz aynıñ 29 kününe qadar Rusiye tarafında Ukrainağa qarşı cenkte elâk olğan qırımlılarnıñ 1408 cesedi belli etildi. Çiçek aynıñ başına köre, 126 isandan ziyade.
Bunı "Qırım.Aqiqat" muarriyetiniñ "Yük-200" bazasınıñ malümatları isbatlay.
"Yük-200" bazasında doğğan yeri, Rusiye ordusına alınğan yeri (onıñ içinde kerçek arbiy bölük), em de – bazı ölüler içün – ölümniñ doğru ya da tahminiy yeri ve tarihı aqqında malümatı bar", — denile leyhanıñ saytında.
Müellifler bu raqamlar doğru olmağanını da qayd eteler, çünki işğalciler ölgenlerniñ sayısını gizleyler. Malümatlar açıq menbalardan alınğan. Muarrirler bazanı 2024 senesi ilk qış aynıñ 19-da cemaatçılıqqa açıqladılar — o vaqıtta cedvelde 1000-den ziyade adam bar edi.
Hatırlatayıq ki, Ukraina Prezidentiniñ Qırımdaki vekilliginiñ malümatına köre, 2025 senesi kiraz aynıñ 17 kününe ukrain tarafı işğal etilgen Qırımda yerleşken bölüklerden Rusiye Federatsiyasınıñ eñ azdan 2020 askeriniñ ölümini tasdıqladı. Olardan 1306-sı, Ukraina vatandaşı olğanı ihtimali büyük.
Telegram, WhatsApp, Facebook ve YouTube-ta Suspilne Qırım haberlerine abune oluñız
