İlk yaz ayınıñ 25-28 künleri işğal etilgen Qırımda havflı gidrometeorologik adiseler aqqında furtuna havfı ilân etildi. Cenübiy ve ğarbiy rayonlarda fevqulâde yanğın telükesi rejimi olacaq.
İşğalli Qırım FVN bu aqqında haber etti.
"Qırım gidrometeorologiya ve etraftaki müitniñ nezareti idaresiniñ malümatına köre, ilk yaz ayınıñ 25-28 künleri Qırımnıñ ğarbiy ve cenübiy rayonlarında fevqulâde yanğın telükesi olacaq. Yarımadanıñ merkeziy rayonlarında ve Sevastopol şeerinde fevqulâde yanğın telükesi beklenile", — dep aytıla haberde.
Hatırlatamız ki, ilk yaz ayınıñ 14, 15 ve 16-ncı künleri de Qırımda ava şaraitiniñ fenalaşuvı qayd etildi, bunıñ içün furtuna havfı ilân etildi. Bundan da ğayrı, mayısnıñ 1-nden başlap yarımadada yanğınğa qarşı mahsus rejim süre. İşğalciler, hususan, ormanlarğa barmağa sıñırladılar. Milliy muqavemet merkeziniñ mütehassıslarınıñ fikirince, yasaqnıñ asıl sebebi ormanlarda yerleşken arbiy obyektlerni ğayıp etmek qorqusıdır.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
