İlk yaz ayınıñ 26-nda Qırımtatar bayrağı künü — 2010 senesi qırımtatar halqınıñ temsil organlarınıñ teşebbüsinen başlatılğan resmiy olmağan bayram qayd etile. Suspilne Qırım bu künde keçirilecek tedbirlerni topladı.
İlk yaz ayınıñ 26-nda Kıyivdeki Mıhaylovska meydanında Qırımtatar bayrağı künü munasebetinen merasim ötkerilecek, dep Ukrayina prezidentiniñ Qırımdaki temsilciligi bildirdi. Tedbir çerçivesinde 5x6 metr büyükliginde bayraq tantanalı şekilde açılacaq.
Tarih: İlk yaz ayınıñ 26-nda saat 12:00de
"Tedbirde qırımtatar milliy gimni ve Ukrayina devlet gimni icra etilecek. Olarnı Ukrayina Silâlı quvetleriniñ yır ve oyun akademik ansambli icra etecek. Bu daa müim ve timsallidir. Yırcılardan biri belli qırımtatar yırcısı İsmail Kurt-Umer de bu tedbirge qoşulacaq", — dep matbuat konferentsiyası vaqtında Ukrayina prezidentiniñ Qırım Muhtar Cumhuriyetindeki temsilciliginiñ malümat temin etüv bölüginiñ reberi Yevhen Bondarenko ayttı.
Qırımtatar bayrağı kününe açıq avada körüşüv — Qırımtatar Bayraq Künü
Tarih:
İlk yaz ayınıñ 26-sı, saat 17:00de
Yer:
Oleksandr Dovşenk adına kinostudiya, Beresteyskiy caddesi, 44, Kıyiv
Yerleşüv:
Dovjenko şeer bağçası
Bayram vaqtında "Qırım cebesi"niñ USQ içün toplaşuvına qoltutmaq içün auksion ve rozıgrış keçirilecek, dep Qırımtatar Milliy Meclisi bildirdi.
Programmada:
- Şevket Zmorka, Dilâver Osman ve Ernes Osmannıñ muzıkası ve çıqışları;
- İsmail Kurt-Umer, Emiliya Bodurova ve Meryem Mambetovanıñ oyunları ve yırları;
- Reshat_brat tarafından qırımtatar muzıkasınen ilhamlanğan DJ-set;
- qırımtatar ustalarınıñ yarmalıqları ve milliy tatlılar;
- balalar eglenceleri;
- Gülnara Abdullayevanıñ qırımtatar bayrağınıñ tarihı aqqında lektsiyası.
Qırımtatar Bayraq Künü bayramında iştirak etmek içün qayd etüv formasını toldurmaq kerek: https://forms.gle/C7EGKjbkkVkKg3XU7
Bundan ğayrı, Qırımtatar Milliy Meclisiniñ reisi Refat Çubarov böyle tedbirler aqqında haber etti:
- saat 09.00da Kıyiv şeer devlet memuriyetiniñ binası yanında (Hreşçatik soqağı, 36) qırımtatar bayrağınıñ tantanalı köterilüv merasimi keçirilecek;
- saat 10:00da Ukrayina Tış işler nazirliginiñ binası yanında (Mıhaylivska meydanı, 1), qırımtatar bayrağınıñ tantanalı köterilüv merasimi keçirilecek;
- saat 11.00de Taras Şevçenko adına Kıyiv milliy universitetiniñ binası (Qızıl korpus) yanında qırımtatar bayrağınıñ tantanalı köterilüv merasimi keçirilecek.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
