Rusiye quvetçileri Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ sakinini "RF SQni halq ögünde itibardan tüşürgeni"nde qabaatladılar. İşğalli mahkemeniñ qararına köre, Qırım sakini 49 biñ rublelik (tahminen 14 700 ğrıvnâ) para cezasını ödemeli.
İİNniñ Sevastopol (Aqyar) şeerindeki işğalli idaresiniñ Telegram saifesinde bu aqqında haber berildi.
Rusiye İçki işler nazirliginiñ Sevastopoldaki (Aqyardaki) aşırıcılıqnen küreş merkeziniñ hadimleri FSBnen beraber 19 yaşındaki şeer kollecinıñ studentine qarşı tahqiqat keçirdiler. Quvetçiler onı "Rusiye Silâlı quvetleriniñ SVOMahsus arbiy ameliyat — Rusiye yolbaşçılığı tarafından kirsetilgen ve Rusiyege qoltutqan menbalar tarafından Rusiyeniñ 2022 senesinden başlap Ukrayinağa istilâsını tasvir etmek içün qullanılğan teşviqat efemizmidir. keçirilmesi munasebetinen itibarını tüşürgen Ukrayina tarafdarı olğanına" qabaatladılar. Qabaatlavlar içtimaiy ağlardaki tefsirlerden peyda oldı.
"Rusiye Silâlı quvetleriniñ itibarını tüşürgeni içün Lenin rayon mahkemesi (Sevastopol şeeriniñ Merkeziy rayon mahkemesi — muar.) 49 biñ rublelik (tahminen 14 700 ğrıvnâ) para cezasını berdi", — dep aytıla haberde.
Bundan ğayrı, işğalli uquq qorçalayıcılar studentni Rusiye akimiyetiniñ qanunları boyunca daa bir qabaatlavda qabaatladılar. Bu "ananeviy olmağan cınıs munasebetleriniñ teşviqatı" aqqında söz yürsetile. Bu sebepten oña 50 biñ rublelik (15 biñ ğrıvnâ) para cezası berildi.
Umumen, oğlan Rusiye bücetine 99 biñ ruble (29 700 ğrıvnâ) ödemege mecbur.
Hatırlatamız ki, Rusiye FSBsi işğal etilgen Qırımnıñ 22 yaşındaki sakinini "devlet hainligi"nde qabaatladı. Keriç sakini "UMNniñ Bİİ içün casuslıq yapqanı"nde şübheli sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
