Rusiye FSBsi işğal etilgen Qırımnıñ 22 yaşındaki sakinini devlet hainligiRusiye CQniñ 275-nci maddesinde qabaatladı. O, "UMNniñ Bİİ içün casuslıq yapqanı"nda şübheli sayıla.
Rusiye FSBsiniñ matbuat hızmeti bunı bildirdi.
Qayd etilgenine köre, 2003 senesi tuvğan Keriç sakini Ukrayinağa AMS quvetleriniñ yerleri ve diger arbiy obyektler aqqında malümat berdi. O, 20 yılğa qadar apis cezasına üküm etile bilir.
"Kuratornıñ vazifesine köre o, arbiy bölüklerden birisiniñ yerleşkenine kelip, foto ve video çeküv vastalarını qullanıp, ava mudafaası vastalarınıñ yerleşken yerlerini, em de yarımadada yerleşken RF Silâlı quvetleriniñ diger arbiy obyektlerini qayd etti. Malümatnı alıp, Telegram messenceriniñ yardımınen UMNniñ Bİİniñ temsilcisine bere edi", — dep aytıla haberde.
Rusiye FSBsi, Rusiye Federatsiyasınıñ Cinayet qanunnamesiniñ 275 maddesine "devlet hainligi" binaen adamnı apiske aldı.
Ukrayina tarafı bu meseleni şimdilik izaatlamadı.
Hatırlatamız ki, Qırımdaki Canköy rayonınıñ 28 yaşındaki sakini işğalciler tarafından "devlet hainligi"nde qabaatlandı, onıñ Rusiye quvetçileri "Ukrayina mudafaa nazirliginiñ Bİİ"nde çalışqanından da şübheli sayıla.
Bundan ğayrı, FSB, Sevastopolnıñ (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adnıñ) eki sakinini de devlet hainliginde qabaatlay. Olar Ukrayina mahsus hızmetleriniñ vekillerinen işbirlikte bulunğanlarında ve Baş istihbarat idaresine Rusiye arbiy obyektleri aqqında malümat bergenlerinde şübheli sayılalar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
