Qırımtatar lideri, halq mebusı, Ukrayina Qahramanı Mustafa Cemilev Türkiyeniñ Elazığ şeerinde Firat universitetiniñ fahriy doktorı oldı.
Bozarğan aynıñ 16-nda Türkiye aliy oquv yurtunıñ matbuat hızmeti Instagram saifesinde bu aqqında haber etti.
Mustafanen beraber Firat universitetini Türkiyedeki Ukrayina elçisi Nariman Celâl yolbaşçılığında ukrayin eyyeti ziyaret ettiler. Anda olar rektor, professor Fahrettin Göktaşnen körüştiler.
Cemilevniñ fahriy doktor unvanına nail oluvı aqqında onıñ Facebook saifesinde haber etildi.
Hatırlatamız ki, 2023 senesi ilk qış ayında Cemilev Konya aşayt ve köy hocalığı universitetiniñ fahriy doktorı oldı. Merasimde Fatih şeeriniñ gebernatorı Ahmet Kurt da iştirak etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
