Türkiyedeki Konya şeerinde qırımtatar halqınıñ lideri, halq mebusı, Ukraina Qaramanı Mustafa Cemilev Konya aşayt ve köy hocalığı universitetiniñ sayğılı doktor derecesini aldı. Merasimde şeerniñ gubernatorı Fatih Ahmet Kurt ta iştirak etti.
Öz saytında mezkür universitet bu aqqında haber berdi.
Universitette keçirilgen sayılı doktor derecesini berüv resmiy merasimi Türkiye, Ukraina ve "Ant etkenmen" qırımtatar milis gimnlerinen başladı.
Bundan soñ Qırım haber ajansından (QHA) qırımtatar halqınıñ lideri aqqında vesiqalı film kösterildi.
Konyadaki qırımtatar derneginiñ (diasporanıñ) başı Sırra Demirelniñ ve şeerniñ meriniñ baş kâtibi Ercan Uslunıñ kiriş sözünden soñ Konya aşayt ve köy hocalığı universitetiniñ rektorı Erol Turan Cemilevge sayğılı doktor diplomını ve doktor cübbesini berdi.
Ukraina halq mebusınıñ sözlerine köre, onıñ alğanı mukâfat, "qırımtatar halqı içün büyük ruhiy destektir".
Keçenlerde Suspilne Cemilevnen intervyu keçirdi. Anda ne zaman Qırım işğalden azat etilecegini, Türkiye prezidenti Recep Tayyip Erdoğannen dostane munasebetlerini, rus diktatorı Volodımır Putinnen subetini ve başqa çoq şey añlattı.
Telegram, Viber ve Facebookta Suspilne Qırım haberlerine abune oluñız
