İşğalcilerniñ bozarğan aynıñ 12-de qayd etkenleri "Rusiye künü"ne qarşı narazılıq aktsiyasını işğal etilgen Qırımda "Sarı şerit" areketiniñ iştirakçileri teşkil ettiler. Yarımada sakinleri Rusiye pasportlarınen foto çıqardılar ve Ukrayinağa qoltutmaq içün yazılar yazdılar: "Ukrayina yüregimde", "Bu menim qararım degil", "Sen yalıñız degilsiñ", "Rusiye pasportı ve Ukrayinağa sadıqlıq".
Fotoresimlerni Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Yalta, Aluşta, Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Bağçasaray, Keriç, Ermeni ve Saq şeerleriniñ sakinleri yolladılar, - dep "Sarı şerit" Telegramda yazdı.
"Qırımda mecburiy pasportlaştıruv eñ çoq devam ete. Bu yerde Rusiye pasportı olmadan yaşamaq imkânsız, 2000 senesi doğğan ve ondan soñra doğğanlar ise bu işğalli vesiqanı elde etmemege imkânları yoq edi. Amma bugün körgeniñiz kibi, pasportlar iç bir şey ifade etmey — işğal altındaki insanlar Ukrayinanı bekleyler, USQni bekleyler", — dep aytıla haberde.
Ealiniñ pasportlaştırılması, "Sarı şerit"niñ qayd etkenine köre, — işğal kibi repressiyalar, apis cezaları, balalarnıñ arbiyleştirilmesi, ukrayinler ve qırımtatarlarğa milliy mensüpligine köre ayırım ve vaqtınca işğal etilgen topraqlarda bizim insanlarımızğa qarşı onlarca diger sistemli cinaiy areketlernen bir sırada olğan Rusiye devletiniñ cinayetidir.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
