"Ateş" areketiniñ agentleri bildirdiler ki, ruslar işğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) 810-ncı deñiz piyade brigadasınıñ mülküni çıqaralar. Bundan da ğayrı, bölükniñ toprağında bulunğan arbiy tehnika gizleyler.
Areket Telegram saifesinde bu aqqında haber etti.
"Ateş" areketiniñ agentleri Sevastopolda (Aqyarda — terciman) 810-ncı deñiz piyade brigadasınıñ daimiy yerleşüv noqtasına avtobuslarnıñ kelmesini qayd ettiler. Olar bölükniñ memuriy binalarından ve qışlalarından mallarnı alıp keteler. Boş qışlalar, işğalciler tarafından alınğan telükesizlik tedbirlerini tasdıqlay", — dep aytıla haberde.
Areketniñ agentleri, böyle azırlıqlarnıñ yaqın kelecekte bu obyekt içün telüke artmasınen bağlı olğanını tüşüneler. Bütün malümat Ukrayina Mudafaa quvetleriniñ vekillerine berildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
