Ukrayina 2025 senesiniñ Birleşken Milletler Teşkilâtınıñ okean meseleleri konferentsiyasında Muntazam inkişaf maqsadı 14Mqsadı - deñiz, okean ve suv resurslarını saqlap qalmaq ve qorçalamaq içün, er kes içün turğun kelecekni temin etmektirni taqdim etti, dünya toplulığını Qırım ve Qara deñizdeki ekocidge qarşı cian birdemligine çağırdı.
Ukrayina etraftaki müit qoruvı ve tabiat resursları nazirligi bu aqqında haber etti.
Ukrayina 2025 senesiniñ okean meseleleri boyunca BMT konferentsiyasında "Okeanlar ve deñiz resurslarınıñ saqlanuvı" mevzusını taqdim etti, bu Ukrayina içün, hususan cenk şaraitinde, pek müimdir. Olarnıñ ömürge keçirilmesi cenk areketleriniñ yekünlenmesi ve Qırımnıñ işğalden azat etilmesinen bağlıdır. Çünki bu qıyın bir esnas, ükümet, ilim, biznes ve vatandaş cemiyetiniñ birleşmesini talap ete. Kirlenüvni azlaştırmaq, deñiz ve yalı boyu ekosistemalarnı qorçalamaq, ayatiyat resurslarınıñ çıqarılmasını nezaret etmek, ayatiyat çeşitliginiñ strategiyasını yañartmaq içün kompleks areketler kerek.
Ukrayina tarafı konferentsiya iştirakçilerinen Rusiye istilâsı ve Qırım işğali sebebinden bölgede yüz bergen ekologik felâketlerni añlattı. Birinciden, 2024 senesi ilk qış ayında Keriç boğazında Rusiye tankerleriniñ qazası neticesinde Qara deñizniñ büyük miqyaslı kirlenüvi aqqında söz yürsetile, bunıñ sebebi de mazutnıñ çıqması oldı ve deñiz ekosistemalarına uzun müddetli zarar ketirdi. Ekinci bir kederli mesele — 2023 senesi bozarğan ayda Kahovka GES patlağanı sebebinden suvlarnıñ felâketli kirlenmesi, limanlarnıñ tuzlulığınıñ deñişmesi, Qara deñizniñ kirlenmesi ve deñiz flora ve faunasınıñ yaşayış müitiniñ yoq etilmesinen bağlı ekocid.
"Rusiyeniñ ekologik cinayetleri takbih etilmeli, bütün qabaatlılar ise mesüliyetke çekilmeli. Vaqtınca işğal etilgen topraqlarğa kiriş sıñırlanğanına ve istilâcı tarafından devam etken telükege baqmadan, bu cinayetlerni qayd etmege ve taqiq etmege devam etecekmiz. Qara deñiz bölgesinde barışıq ve ekologik telükesizlik tek Rusiye ordularınıñ Ukrayinadan tam sürette çıqmasınen mümkün", — dep Serğiy Vlasenko, Etraftaki müit qoruvı ve tabiat resursları naziriniñ muavini ayttı.
Ukrayina eyyeti, Frenkistan ve Kosta-Rikanıñ imayesi altında bozarğan aynıñ 9-13 künleri Nitsa şeerinde (Frenkistan) keçirilgen BMTnıñ 2025 senesiniñ okean meseleleri konferentsiyasında iştirak ete. O, bütün dünyadan ükümet, alimler, vatandaş cemiyeti ve halqara teşkilâtlarnıñ vekillerini birleştirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
