"Qırım öz-özüni mudafaa etüvi" qanunsız silâlı birleşmesiniñ "rota komandanı" 15 yıllıq apis cezasına mahküm etildi. O, Qırımnıñ qanunsız işğalinde iştirak etti, ve tolu miqyaslı istilâ başlanğan soñ — istilâcı devletke yardım aqqında malümatnı açıqtan-açıq tarqattı ve Rusiye ordusınıñ ihtiyacları içün para topladı.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) prokurorlığı bu aqqında haber etti.
O, dört maddege istinaden qabaatlı tanıldı: qanunda qayd etilmegen silâlı birleşmeniñ erkânında işhanelerge, müessiselerge, teşkilâtlarğa ücüm etüvde iştirak etüvUkrayina CQniñ 260-ncı maddesiniñ 4-nci, Ukrayina topraq bütünligi ve toqunılmazlığına qast etüvUkrayina CQniñ 110-ncı maddesiniñ 2-nci, devlet hainligiUkrayina CQniñ 111-nci maddesiniñ 1-nci ve istilâcı devletke yardım etüvUkrayina CQniñ 111-2-nci maddesiniñ 1-nci.
"Prokurorlar 2014 senesi kiçik qış ayında Ukrayina vatandaşı "Qırım öz-özüni mudafaa etüvi"ne qoşulğanını ve bu qanunsız silâlı birleşmeniñ 2-nci bölüginiñ yolbaşçısı olğanını isbatladılar. Mahküm etilgen blok noqtalarınıñ qurulmasını ve anda nevbette turmasını idare etken edi, em de RF Silâlı quvetleriniñ arbiylerine yarımadada kritik astyapı, memuriy ve arbiy obyektlerni blok etmege ve zapt etmege yardım etken edi. Hususan, "öz-özüni mudafaacı" "Qırım statusı referendumı" keçirilmesi içün rey berilgen Qırım MC Yuqarı Şurası binasınıñ nezareti altında bulunğan "küreşçilerniñ" faaliyetini idare etken edi", — dep aytıla haberde.
Bundan soñ mahküm "Halq imayesi — Qırım Cumhuriyetiniñ halq hızmeti"ne yolbaşçılıq etti.
Prokurorlıqnıñ bildirgenine köre, Ukrayina Prezidentiniñ 2023 senesi mayısnıñ 12-nde çıqqan Fermanınen mahküm etilgen şahsiy mahsus iqtisadiy ve diger sıñırlav tedbirleri (sanktsiyalar) qullanıldı.
Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana.
Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
