Yarımadanıñ işğalinde duşmanğa yardım etkeni içün "Qırım öz-özüni mudafaa etüvi" qanunsız silâlı birleşmesiniñ "askeri"ni mahkeme etecekler. O, 15 yılğa qadar apis cezasına üküm etile bilir.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Adamnı üç maddege binaen qabaatlaylar: qanunda qayd etilmegen silâlı birleşmeniñ faaliyetinde iştirak etüvUkrayina CQniñ 260-ncı maddesiniñ 2-nci qısmı, devlet hainligiUkrayina CQniñ 111-nci maddesiniñ 1-nci qısmı, Ukrayina topraq bütünligi ve toqunılmamazlığına qast etüvUkrayina CQniñ 110-ncı maddesiniñ 2-nci qısmı.
Tahqiqat, adamnıñ "Qırım öz-özüni mudafaa etüvi" milliy arbiy teşkilâtına 2014 senesi qoşulğanını belgiledi.
"Taqiqat, qabaatlanğan şahısnıñ "Qırım öz-özüni mudafaa etüvi" reberliginiñ vazifelerini yerine ketirüvde faal iştirak etkenini belgiledi — cemaat yerlerini devriyege aldı, blok noqtalarında qaravul etti ve vatandaşlarnıñ vesiqalarını teşkerdi. Hususan, 2014 senesi kiçik aynıñ 26-nda o, yanına silâ alıp, diger "askerler"nen beraber Qırım MC Yuqarı Şurasınıñ binasına kelip, memuriy bina ve yanındaki topraq etrafında yerleşip, "yarımadanıñ mustaqilligi" aqqında referendumnı keçirmek meselesinde nevbetten tış sessiyanı keçirmege zorladı", — dep aytıla haberde.
Tahqiqat, 2014 senesi saban ayınıñ 16-nda qabaatlanğan şahıs, Qırımnıñ Rusiyege qoşulması boyunca qanunsız "referendum" keçirilgen Simferopoldaki (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adteki) saylav bölüklerini qorçalağanını da tasdıqladı.
Prokurorlıq qayd etti ki, Ukrayina Anayasasınıñ 62-nci maddesine binaen, şahıs cinayet işlegeninde qabaatsız sayıla ve qabaatı qanuniy şekilde isbatlanıp, mahkeme tarafından qabaatlav qararı çıqarılğance, cinaiy cezağa oğratılmay.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
