2025 senesi bozarğan aynıñ 9-na qadar Ukrayina tarafı işğal etilgen Qırımda yerleşken bölüklerden eñ az 1955 Rusiye arbiyiniñ elâk olğanını tasdıqladı. Olardan 1296-sı ise Ukrayina vatandaşı eken.
Ukrayina prezidentiniñ Qırım Muhtar Cumhuriyetindeki temsilciligi bunı bildirdi.
Bundan ğayrı, Ukrayina tarafı Qırımdan eñ az 119 Rusiye arbiyiniñ esir alınğanını tasdıqladı, olarnıñ çoqusı, ğaliba, Ukrayina vatandaşlarıdır, dep prezidentniñ Qırım Muhtar Cumhuriyetindeki temsilciligi qayd etti.
Hatırlatamız ki, IV Jenevre şartnamesiniñ 51-inci maddesi işğalci devletke işğal altındaki ealini orduda hızmet etmege mecbur etmege yasaq ete. Bu cenk cinayeti sayıla.
Ukrayina Silâlı quvetleriniñ Baş ştabınıñ malümatına köre, tolu miqyaslı istilâ vaqtında Rusiye ordusı 997 120 askerini, olardan 970-i — soñki kün devamında ğayıp etti.
Evel Ukrayina prezidentiniñ Qırım Muhtar Cumhuriyetindeki temsilciligi qayd etti ki, keçken afta Rusiye quvetçileri işğal etilgen Sevastopol (Aqyar) çarşılarından birini tintip, erkeklerniñ vesiqaları teşkerildi — em satıcılar, em de alıcılar arasında. Qırımdan 13 adam, işğalli arbiy komisarlıqqa çağıruvname aldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
