"Sergey Aksönovğa qarşı öldürüv azırlanuvında" qabaatlanılğan Volodımır Ananyevniñ işinde prokuror deñişken. Kiraz aynıñ 3-deki mahkemeniñ nevbetteki oturışında qabaatlanılğan adamnıñ sorğusı devam etti, onıñ devamında o, qabaatlı olmağanını ve işniñ uydurılğanını ilân etti.
Bu aqta qabaatlanğanlarnıñ doğmuşları Qırım uquq qoruyıcı gruppasına bildirdiler.
Kiraz aynıñ 3-de Rostov-na-Donu şeerindeki Cenübiy rayon arbiy mahkemesinde mahkemeniñ daa bir sessiyası olıp keçti, onıñ devamında Volodımır Ananyevniñ sorğusı devam etti.
Aileniñ aytqanına köre, o, qabaatsız olğanını ilân etti. Şimdiki vaqıtta mahkeme işniñ yazma malümatlarınıñ ögrenüvine keçe. Nevbetteki körüşüv, 2025 senesi kiraz aynıñ 17-ge tayin etilgen.
Evelden "Suspilne Qırım", Volodımır Ananyevniñ ömür arqadaşı, aq-uquq qorçalayıcıları ve onıñ tanışlarınen subetleşip, qırımlı eñ esli siyasiy mabüsniñ "davası" aqqında subetleşti.
Sergey Aksönovnı "öldürmege tırışuv" davası aqqında ne bilemiz
2025 senesi kiçik ayda Rusiye işğalcileri Sergey Aksönovğa qarşı suiqast azırlağanında qabaatlanğan Volodımır Ananyev, Volodımır Bodnar ve Oksana Şevçenkonı mahkemege berdi. İşğalli Qırım prokurorlığı dedi ki, ukrainler öz başına yapılğan patlayıcı alet yardımınen duşmannen işdeşlik yapqan Qırım sakininiñ maşinasını patlatmağa planlaştıra ediler.
Rusiye quvetçileriniñ malümatına köre, Bodnar Zaporijjâ vilâyetinden Qırımğa, Şevçenko kiralağan Simferopoldaki (Aqmescitteki) garaj qutusında saqlanğan patlayıcı aletni ketirdi. Qayd etilgenine köre, Aksönovnıñ marşrutını video nezareti kamerası vastasınen közetkenler.
2024 senesi kiçik ayda üçü de işğal etilgen Qırımda Rusiye FSBsiniñ hadimleri tarafından tutuldı. Olarğa qarşı "terroristik areketlerniñ azırlanuvı" ve "patlayıcı aletlerniñ qanunsız saqlanuvı" boyunca cinaiy davalar açıldı. Daa evel, saban ayınıñ 31-nde, Volodımır Bodnar da bu işte qabaatını tanıdı. Saban ayınıñ 3-nde mahkeme 75 yaşındaki Volodımır Ananyevniñ davasını baqtı.
Suspilne Qırım Volodımır Ananiyevniñ apayı, uquq qorçalayıcılar ve tanışlarınen subetleşip, Qırımnıñ eñ qart siyasiy mabüsiniñ "davası" aqqında tarif etti.
Telegram, WhatsApp, Facebook ve YouTube-ta Suspilne Qırım haberlerine abune oluñız
