Qırımdan sabıq uquq qorçalayıcı 14 yıl apis cezasına mahküm etildi, mülkü musadere etildi. O, devlet hainliginde qabaatlandı.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
"Prokurorlar, yarımada işğal etilgen soñ mahküm etilgenniñ antnı bozıp, duşmanğa hızmet etkenini isbatladılar. Böylece, 2014 senesi o, "Rusiye İçki işler nazirliginiñ Simferopol ava limanınıñ naqliyat bölüginiñ yolbaşçısı" vazifesini aldı", — dep aytıla haberde.
Prokurorlıqnıñ qayd etkenine köre, mahküm etilgen adam, istilâcı devletniñ vekillerine Ukrayinağa qarşı bozdurıcı faaliyetni alıp barmağa yardım etken, em de yarımadada qanunsız şekilde qurulğan içki işler organlarınıñ faaliyetinde iştirak etip, işğalli rejimni pekitken.
Qırım MC ve Sevastopol (Aqyar) şeeriniñ prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
