Siyasiy mabüslerge mektüpni "Serbest Qırımğa mektüpler" teşebbüsi çerçivesinde mayısnıñ 29 — bozarğan aynıñ 1 künleri Kıyivde Kitap arsenalı vaqtında yazmaq mümkün olacaq.
Prezidentniñ Qırım Muhtar Cumhuriyetindeki Temsilciligi bunı bildirdi.
"E 2.4 stendi. "Serbest Qırımğa mektüpler" teşebbüsine qoşulıñız. Vatandaşlarımızğa, bütün manialarğa baqmadan, olarnıñ serbestligi içün küreşkenimizni añlamağa yardım etiñiz", — dep aytıla haberde.
Hatırlatamız ki, Kıyivdeki Baş poçtada mayısnıñ 17-18. künleri "Serbest Qırımğa mektüpler" teşebbüsi çerçivesinde Qırım siyasiy mabüsleri içün 49 destek mektübi toplandı. Bu mektüpler Qırım işğalinden soñ Ukrayina tarafdarı ya da qırımtatar kimligi sebebinden apiske alınğan Ukrayina vatandaşlarına yollana.
"Serbest Qırımğa mektüpler" aktsiyası 2023 senesi çiçek ayında başlatıldı. 2024 senesi devamında ukrayinler ve çetelde yaşağan Ukrayina dostları 1800 çoq destek mektübini yazdı. Teşebbüs Ukrayina Prezidentiniñ Qırım Muhtar Cumhuriyetindeki Temsilciligi, PEN Ukraine, ZMINA İnsan aqları merkezi, Crimea Daily, QırımSOS, Qırım esnası ve diger ortaqlarnıñ umumiy ğayretleri sayesinde çalışa.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
