Kıyivdeki Baş poçta ofisinde mayısnıñ 17-18 künleri "Serbest Qırımğa mektüpler" teşebbüsi çerçivesinde Qırım siyasiy mabüslerine 49 qoltutuv mektübi toplandı. Bu mektüpler Qırım işğalinden soñ Ukrayina tarafdarı ya da qırımtatar kimligi sebebinden apiske alınğan Ukrayina vatandaşlarına yollanılır.
Prezidentniñ Qırım Muhtar Cumhuriyetindeki Temsilciligi Telegramda bu aqqında haber etti.
"Ukrayina tarafdarı olğanları içün ve öz kimliklerini saqlamaq istegenleri içün işğalciler tarafından tuvğan evlerinden biñlernen kilometr uzaqlıqqa çıqarılğan qanunsız sürgün etilgen Qırım sakinleri ile ukrayinlerniñ birligini quvetleştirgen müim aktsiyanıñ iştirakçilerine ve göñülli olmağan insanlarına samimiy minnetdarmız", — dep aytıla haberde.
Temsilcilik, işğalniñ 11-inci yılında bile yarımadanen ahlâqiy bağnı saqlağan mektüplerniñ tarqatılmasında teşebbüs köstergeni ve yardım etkeni içün Ukrpoştağa teşekkür bildirdi.
Qırımtatar halqınıñ sürgünliginiñ 81 yıllığına bağışlanğan tedbirler vaqtında Kıyivdeki genotsid fedalarınıñ hatıra abidesi yanında "Serbest Qırımğa mektüp" teşebbüsiniñ timsaliy lokalizatsiyası çalışqan edi. 51 qol tutuv mektübi toplandı.
"Serbest Qırımğa mektüpler" aktsiyası 2023 senesi çiçek ayında başlandı. 2024 senesi devamında ukrayinalılar ve çetelde yaşağan Ukrayina dostları 1800-den çoq destek mektübini yazdı. Teşebbüs Ukrayina Prezidentiniñ Qırım Muhtar Cumhuriyetindeki Temsilciligi, PEN Ukraine, ZMINA İnsan aqları merkezi, Crimea Daily, KrımSOS, Qırım esnası ve diger ortaqlarnıñ umumiy ğayretleri sayesinde çalışa.
Telegram, WhatsApp, Facebook, TikTok ve YouTubede Suspilne Qıım haberlerine abune oluñız
