Kıyivniñ Podil rayon mahkemesinde işğal etilgen Qırımnıñ Rusiye tarafdarı olğan blogeri ve cemaat erbabı Oleksandr Talipovnıñ davası baqıla. Onı istilâcı devletke yardımUkrayina CQniñ 111-2-nci maddesiniñ 1-nci qısmı etüvde qabaatlaylar. Şübelengen adam özüni, Rusiye ordusına destek içün para toplağan Telegram kanallarınıñ tesisçisi olaraq tanıta.
"Gratı" neşiri bu aqqında yazdı.
Rusiye tarafdarı olğan blogerniñ işi boyunca ilk oturış mayısnıñ 26-nda olıp keçti. O, ğıyabiy şekilde baqıla. Talipovnı bir qaç kere Podil rayon mahkemesine çağıra ediler, amma o, kelmedi. İnternette tek onıñ adliyecisi bar edi.
"Taqiqatnıñ malümatına köre, işğal etilgen Qırımda yaşağan Oleksandr Talipov anda faal Rusiyege qol tutqan teşviqat faaliyetini alıp bara, şu cümleden, matbuat vastalarında çıqışlar yapa, YouTube ve onıñ rus analogı rutube içün videolar yazıp, Rusiye ordusına qol tuta, bağış toplay ve olarnen ruslar içün silâ satın ala, şu cümleden, 2022 ve 2023 seneleri bir qaç kvadrokopter satın aldı ve onıñ berilmesi aqqında haber etti", — dep neşir yazdı.
Tahqiqatçılar, blogerniñ "ТалипоV Online Z" Telegram kanalınıñ saibi olğanını da qayd ettiler. Bundan da ğayrı, o, Qırımnıñ işğalli akimiyetine Ukrayina tarafdarlarını tapmağa yardım etken "Qırım smerşi" idare ete.
Hatırlatamız ki, Talipov işğal etilgen Qırımda "Aşırıcılıqqa qarşılıq merkezi"niñ vekillerinen alâqada buluna, ve öz faaliyeti içün defalarca Rusiye ordenlerinen taqdirlendi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
