«Sarı şerit» cemaat qarşılıq areketi mayısnıñ 9 künü, Rusiye Federatsiyası «Ğalebe künü»ni qayd etkende, işğal etilgen Qırımdaki Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) yer astı keçitinde faalciler tarafından yaratılğan yañı graffitilerni kösterdi.
Areket öz Telegram kanalında bunı bildirdi.
"İşğal ne qadar devam etse de, bizim faalcilerimiz özlerini unuttırmağa yol bermeyler. Küreş bir kün de toqtamay. Ve nasıl ki, 5 yıl devam etti uzun ve deşetli cenkte bir kere Hitlerni yeñdik, öyle de tezden Putinniñ Rusiyesini yeñecekmiz", — dep "Sarı şerit" koordinatorları qayd ettiler.
Hatırlatamız ki, mayısnıñ 9 künü bu areketniñ faalcileri Ukrayinanıñ bütün vaqtınca işğal etilgen topraqlarında: Luğansk, Donetsk, Herson, Zaporijjâ vilâyetlerinde, Qırımda Georgiy şertilerini, teşviqat gazetalarını, Rusiye bayraqlarını yaqtılar.
Bundan evel siyasetşınas Yevğeniya Ğörünova Suspilne Qırımğa zemaneviy cenkte aqiqiy ğalebelerniñ olmağanı sebebinden Rusiye sovet keçmişine asretlikni istismar ete, dep ayttı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
