Kiyevde qırımtatarlarnıñ ananeviy Hıdırlez baar kününiñ bayramı olıp keçti. O, er yıl mayıs ayınıñ birinci cuma künü qayd etile. Bu vaqia, Rusiye Federatsiyasınıñ Ukrainağa büyük miqyaslı ücümi başlanğan soñ bayramnıñ canlanması edi.
Suspilne Qırımnıñ mühbirleri tedbirni ziyaret etip qayd etüvi nasıl ötkerilgenini tarif eteler.
Musafirler qırımtatar mirası aqqında lektsiyanı diñlemege, qırımtatar ananeviy küreş derslerinde bulunmağa, ateşte pişirilgen pilâvnıñ tadını baqmağa ve bayramğa bağış berip oldılar. Tedbirni er kes ziyaret etip ola edi.
Qırımtatar halqnıñ Meclis başı Refat Çubarovnıñ sözlerine köre, qayd etüviniñ, kimliginiñ saqlanuvı içün büyük emiyeti bar edi.
"Esas olğanı – Qırım şimdi işğal etilgendir. Şimdi yarımada tışında olıp halqtan marum etilgen insanlarnıñ sayısı çoq. Kimligini ve öz insanlarımızğa açıq olmasını saqlanması pek müim. Bu bayramnıñ büyük emiyeti bar, o, insanlarnı birleştire. Mında qırımtatar ve ukrain ğayretleri duyulmaqtadır. O, Qırım ukrain devletiniñ qısmı olğanınıñ daa bir tasdığıdar", – dedi Refat Çubarov.
Daa işğal etilgen yarımadanıñ taqdirini aynı qırımtatarlar ve Ukraina çezecekler dep qoştı.
"Dünyada Qırımnıñ kelecegini qırımtatar halqı ve Ukrainasız çezebilecegini bellegen insanlar peyda ola. Buna kimse izin bermez. Yarımadanı taqdirini çezecek olğan eki subyekti bar – o, ukrain devleti ve qırımtatar halqıdır", – qayd etti Refat Çubarov.
Bayramnı qırımtatar halqnıñ Meclis baş muavini Nariman Celâl da ziyaret etken. Qayd etkeni kibi, Hıdırlezniñ qayd etüvi – insanlarğa Qırım aqqında hatırlatmağa fırsatıdır.
"Bugün ilk sefer öyle keñ tarzı. Çoq insan toplanğan. Saçma işler bitkende insanlar bereket yahşı olsun dep dua etip qayd etilgen bayramıdır. O timsalidir, çünki er biri, öz yerinde bulunıp büyük işini yapıp Alla bizge yardım eter, biz neticege yetermiz ve Qırımnı evge qaytarırmız dep bekley", – qayd etti Nariman Celâl.
Telegram, WhatsApp ve Facebookta Suspilne Qırım haberlerine abune oluñız
